Россиялик фойдаланувчилар энди Премьер-лига расмий фэнтезисида иштирок эта олмайди.
Премьер-лига Россиядан бўлган барча иштирокчиларни олиб ташлади. Жума куни ижтимоий тармоқларда фойдаланувчилар ўз аккаунтлари ўчирилгани ҳақида хабар бера бошлади.
Маълум қилинишича, гап 12 мингга яқин аккаунт ҳақида кетмоқда. Шу билан бирга, фойдаланувчиларнинг ўзлари ўз профилларини ўчириш сабаблари ҳақида билдиришнома олмаган.
Шу ҳафта бошида Премьер-лига Россияда ўйинларни трансляция қилишни тўхтатишини эълон қилганди.