Bugun Angliya Premyer-Ligasi 29-tur doirasida «Liverpul» «Brayton» klubi mehmoni bo‘ladi. Mazkur o‘yinga qadar qiziqarli fakt va ma’lumotlarni taqdim etamiz.
Bilasizmi?
«Liverpul» Angliya Premyer-Ligasida 1,998 ta gol urgan va ushbu musobaqada 2,000 lik marrani zabt etgan "Manchester Yunayted"dan keyin ikkinchi jamoa bo‘lishi mumkin. Ushbu gollarning 10 foizi hozirgi hujum juftligi - Muhammad Salah (114) va Sadio Mane (86) tomonidan kiritilgan.
Premyer-Liga doirasidagi «Liverpul»ga qarshi dastlabki 6 uchrashuvda mag‘lub bo‘lgan «Brayton» oxirgi uch bahsda «qizillar»ga yutqazmay kelmoqda (2 durang, 1 mag‘lubiyat).
«Liverpul» «Brayton» bilan so‘nggi 3 uchrashuvda g‘alaba qozona olmayotgan bo‘lsa ham, barcha musobaqalarda hech qachon «chag‘alaklar»ga qarshi ketma-ket 4 g‘alabasiz seriya qayd etmagan.
«Brayton» APLdagi oxirgi 4 bahsning barchasida mag‘lubiyatga uchradi. Ular oxirgi marta 2007 yilning aprel oyida qatorasiga 5 o‘yinda mag‘lub bo‘lgan. O‘shanda jamoa Birinchi Liga ishtirokchisi edi.
Bahs rasmiylari
Mazkur o‘yin Mayk Din boshchiligidagi hakamlar brigadasiga ishonib topshirilgan. Unga qanotlartda Eddi Smart va Mark Skouls yordam berishadi. Zaxira hakami sifatida Saymon Huper ishlaydi. Styuart Atuell VAR uchun javobgar bo‘lsa, unga Sayn Messi-Ellis hamrohlik qiladi.
Taxminiy tarkiblar
«Brayton»: Sanchez, Veltman, Daffi, Dank, Kukurella, Alzate, Bissuma, Lempti, Moder, Trossard, Mupe.
«Liverpul»: Alisson, Arnold, Gomez, Matip, Robertson, Xenderson, Fabinyo, Keyta, Salah, Mane, Diaz.
Ushbu o‘yinda qatnasha olmaydigan futbolchilar
Mezbonlar tarkibida faqatgina Adam Vebster aniq maydonga tusha olmasligi ma’lum bo‘lgan. Jeremi Sartmiyento va Enok Mvepuda jarohat bo‘lsa-da, mersisaydliklarga qarshi bahs uchun tayyorgarlikni boshlab yuborishgan.
Tiago «Inter» bilan o‘yinda qaytgan bo‘lsa ham bugungi bahs uchun qatnashishi so‘roq ostida turibdi. Shuningdek, Virjil van Deyk hamda Ibrahima Konate ham jamoaga yordam bera olishmaydi. Roberto Firmino ham mashg‘ulotlarga kirishgan, ammo to‘liq tayyor bo‘lishi noma’lum.
Ma’lumotlar
«Liverpul» Premyer-Ligadagi so‘nggi 7 uchrashuvning barchasida g‘alabaga erishdi.
«Brayton» esa oxirgi 4 APL o‘yinlarida mag‘lubiyatga uchradi.
«Liverpul» Angliya chempionatidagi so‘nggi 7 bahsning beshtasida darvozadan to‘p olib chiqmadi.
«Liverpul» barcha musobaqalarda «Brayton»ga qarshi oxirgi 11 uchrashuvning 10tasida mag‘lub bo‘lmagan.
Hozirda mersisaydliklar 63 ochko bilan musobaqa jadvalining ikkinchi o‘rnida borishmoqda. «Brayton» hisobida esa 33 ochko bor va klub 13-pog‘onani band etgan.
Tomonlar APL doirasida o‘zaro jami 9 o‘yinda maydonga tushishgan va shulardan oltitasida «Liverpul» g‘alaba qozongan. Bir o‘yinda «Brayton»ning qo‘li baland kelgan.
Eslatib o‘tamiz, mazkur o‘yin bugun Toshkent vaqti bilan 17:30da boshlanishi rejalashtirilgan.
