Yarim himoyachi Luka Modrich yozda "Real"ni tark etishi mumkin. Futbolchining amaldagi shartnomasi nihoyasiga yetmoqda, tomonlar esa hali hamon kelishuvga erisha olmayapti, deya xabar bermoqda Marca.

36 yoshli xorvatning o‘zi Madridda qolishni istamoqda, ammo muzokaralar juda sekin rivojlanyapti.

Yarim himoyachi rahbariyat unga har mavsum yangi bir yillik shartnoma taklif qilishini biladi. Bu klubning yoshi katta futbolchilarga nisbatan siyosati.

2021/22 yilgi mavsumda Modrich "Real Madrid" safida barcha turnirlar doirasida 32 ta o‘yinda maydonga tushib, 2 ta gol urdi va 7 ta golli uzatmani amalga oshirdi.