Ярим ҳимоячи Лука Модрич ёзда "Реал"ни тарк этиши мумкин. Футболчининг амалдаги шартномаси ниҳоясига етмоқда, томонлар эса ҳали ҳамон келишувга эриша олмаяпти, дея хабар бермоқда Marca.
36 ёшли хорватнинг ўзи Мадридда қолишни истамоқда, аммо музокаралар жуда секин ривожланяпти.
Ярим ҳимоячи раҳбарият унга ҳар мавсум янги бир йиллик шартнома таклиф қилишини билади. Бу клубнинг ёши катта футболчиларга нисбатан сиёсати.
2021/22 йилги мавсумда Модрич "Реал Мадрид" сафида барча турнирлар доирасида 32 та ўйинда майдонга тушиб, 2 та гол урди ва 7 та голли узатмани амалга оширди.