Turinning «Yuventus» klubi Italiya chempionatining 29-turida «Sampdoriya» bilan o‘ynadi va 3:1 hisobida g‘alaba qozondi. Bu g‘alaba «Yuventus»ga chempionat peshqadamlari bilan oradagi farqni qisqartirish imkonini berdi. Turin superklubi bosh murabbiyi Massimiliano Allegri o‘yindan so‘ng o‘z futbolchilari o‘yinini yuqori baholadi.
- Morata eng yaxshi hujumchilardan biri ekanligini tasdiqladi. Bugun biz texnik jihatdan yuqori darajada o‘yin ko‘rsatdik. G‘alaba Chempionlar ligasining «Vilyarreal»ga qarshi javob o‘yiniga tayyorgarlik nuqtai nazaridan muhim edi», - Allegrining so‘zlaridan iqtibos keltirmoqda DAZN.
