«Napoli» hujumchisi Viktor Osimxen A seriya chempionligi uchun kurash haqidagi fikrlari bilan o‘rtoqlashdi. Ayni damda «adzurrilar» Italiya chempionati turnir jadvalida peshqadam «Milan»dan 3 ochko ortda qolib, ikkinchi o‘rinda bormoqda.
«Biz g‘alaba qozonishda davom etishimiz va raqiblarimizga e’tibor bermasligimiz kerak. Chempionlikni qo‘lga kiritish uchun mavsumning har bir o‘yinida g‘alaba qozonish kerak.
Biz maqsad sari bosqichma-bosqich olg‘a bormoqdamiz. Ishonamanki, «Napoli» skudettoni qo‘lga kirita oladi», dedi Osimxen.
Qo‘shimcha qilib o‘tamiz, kecha «Napoli» «Verona»ni mag‘lub etdi (2:1). Viktor Osimxen ushbu o‘yinda dubl qayd etdi.
