«Наполи» ҳужумчиси Виктор Осимхен А серия чемпионлиги учун кураш ҳақидаги фикрлари билан ўртоқлашди. Айни дамда «адзуррилар» Италия чемпионати турнир жадвалида пешқадам «Милан»дан 3 очко ортда қолиб, иккинчи ўринда бормоқда.

«Биз ғалаба қозонишда давом этишимиз ва рақибларимизга эътибор бермаслигимиз керак. Чемпионликни қўлга киритиш учун мавсумнинг ҳар бир ўйинида ғалаба қозониш керак.

Биз мақсад сари босқичма-босқич олға бормоқдамиз. Ишонаманки, «Наполи» скудеттони қўлга кирита олади», деди Осимхен.

Қўшимча қилиб ўтамиз, кеча «Наполи» «Верона»ни мағлуб этди (2:1). Виктор Осимхен ушбу ўйинда дубл қайд этди.