Turinning "Yuventus" klubi yarim himoyachisi Manuel Lokatellining fikricha, uning jamoasi A Seriya chempionligi uchun kurashishga qodir. Buning uchun "Yuve" qolgan barcha o‘yinlarda g‘alaba qozonishi va raqiblarning xatosiga tayanishi kerak.
"Tafovut juda katta, ammo futbolda hamma narsa bo‘lishi mumkin. Biz ishonch va qat’iyatni saqlashimiz kerak. "Yuventus" A Seriyada qolgan barcha o‘yinlarda g‘alaba qozonishga qaror qildi.
Biz raqiblar haqida emas, o‘zimiz haqida o‘ylashimiz kerak. "Yuventus" mentalitetini hamma biladi. Biz falsafamizdan chetga chiqmadik. Biz Chempionlar ligasining chorak finaliga ham yo‘l olish niyatidamiz, bu juda qiyin, ammo amalga oshishi mumkin", - dedi italiyalik futbolchi.
