Туриннинг "Ювентус" клуби ярим ҳимоячиси Мануэль Локателлининг фикрича, унинг жамоаси А Серия чемпионлиги учун курашишга қодир. Бунинг учун "Юве" қолган барча ўйинларда ғалаба қозониши ва рақибларнинг хатосига таяниши керак.
"Тафовут жуда катта, аммо футболда ҳамма нарса бўлиши мумкин. Биз ишонч ва қатъиятни сақлашимиз керак. "Ювентус" А Серияда қолган барча ўйинларда ғалаба қозонишга қарор қилди.
Биз рақиблар ҳақида эмас, ўзимиз ҳақида ўйлашимиз керак. "Ювентус" менталитетини ҳамма билади. Биз фалсафамиздан четга чиқмадик. Биз Чемпионлар лигасининг чорак финалига ҳам йўл олиш ниятидамиз, бу жуда қийин, аммо амалга ошиши мумкин", - деди италиялик футболчи.
