«Inter» yarim himoyachisi Marselo Brozovich «Real» taklifini rad etdi. 29 yoshli xorvatiyalik futbolchi Italiyada qolishga va "Inter" klubi bilan shartnomasini uzaytirishga qaror qildi, deb xabar beradi Tuttosport.
Madrid klubi nafaqat futbolchi bilan bevosita muzokara olib bordi, balki o‘z yarim himoyachisi Luka Modrichni ham bog‘ladi. Xorvatiya terma jamoasi sardori vatandoshini «qaymoqranglilar»ning taklifini qabul qilishga ko‘ndirmoqchi bo‘ldi.
Brozovichning «Inter» bilan yangi shartnomasi 2026 yilgacha mo‘ljallangan. Yarim himoyachi yangi kelishuvga ko‘ra yiliga 6 million yevro ishlab oladi.
Marselo Brozovich joriy mavsumda «neradzurrilar» safida barcha turnirlarda 37 ta o‘yinda maydonga tushib, 1 ta gol va 1 ta golli uzatmaga mualliflik qilgan.
