«Интер» ярим ҳимоячиси Марсело Брозович «Реал» таклифини рад этди. 29 ёшли хорватиялик футболчи Италияда қолишга ва "Интер" клуби билан шартномасини узайтиришга қарор қилди, деб хабар беради Tuttosport.
Мадрид клуби нафақат футболчи билан бевосита музокара олиб борди, балки ўз ярим ҳимоячиси Лука Модрични ҳам боғлади. Хорватия терма жамоаси сардори ватандошини «қаймоқранглилар»нинг таклифини қабул қилишга кўндирмоқчи бўлди.
Брозовичнинг «Интер» билан янги шартномаси 2026 йилгача мўлжалланган. Ярим ҳимоячи янги келишувга кўра йилига 6 миллион евро ишлаб олади.
Марсело Брозович жорий мавсумда «нерадзуррилар» сафида барча турнирларда 37 та ўйинда майдонга тушиб, 1 та гол ва 1 та голли узатмага муаллифлик қилган.
