"Bavariya" "Borussiya" hujumchisi Erling Xolandga qiziqish bildirmoqda.

Sport1.de xabariga ko‘ra, Hasan Salihamidjich va Oliver Kanga yaqin bo‘lgan Myunxen klubi rahbarlari Dortmund klubi forvardi atrofidagi vaziyatni kuzatib borishmoqda.

Biroq “Bavariya” Xoland uchun 300 million yevro sarflashni istamayapti – bu summaga transfer narxi, 5 yillik shartnoma bo‘yicha maosh va futbolchining atrofidagilar uchun komissiya kiradi.

"Manchester Siti" norvegiyalik futbolchiga yiliga 35 million yevro atrofida maosh taklif qilmoqda, "Bavariya" rahbariyati esa moliyaviy ahvolini saqlash uchun hech bir jamoa o‘yinchisi yiliga 25 million yevrodan ko‘p maosh olmaslikka qaror qilgan.

Joriy mavsumda 21 yoshli hujumchi Dortmundning “Borussiya” klubi safida 22 ta o‘yinda maydonga tushib, 23 ta gol urdi va 5 ta golli uzatmani amalga oshirdi.