"Бавария" "Боруссия" ҳужумчиси Эрлинг Холандга қизиқиш билдирмоқда.

Sport1.de хабарига кўра, Ҳасан Салиҳамиджич ва Оливер Канга яқин бўлган Мюнхен клуби раҳбарлари Дортмунд клуби форварди атрофидаги вазиятни кузатиб боришмоқда.

Бироқ “Бавария” Холанд учун 300 миллион евро сарфлашни истамаяпти – бу суммага трансфер нархи, 5 йиллик шартнома бўйича маош ва футболчининг атрофидагилар учун комиссия киради.

"Манчестер Сити" норвегиялик футболчига йилига 35 миллион евро атрофида маош таклиф қилмоқда, "Бавария" раҳбарияти эса молиявий аҳволини сақлаш учун ҳеч бир жамоа ўйинчиси йилига 25 миллион евродан кўп маош олмасликка қарор қилган.

Жорий мавсумда 21 ёшли ҳужумчи Дортмунднинг “Боруссия” клуби сафида 22 та ўйинда майдонга тушиб, 23 та гол урди ва 5 та голли узатмани амалга оширди.