«Manchester Yunayted» klubining «Atletiko»ga qarshi Chempionlar ligasi bahsi o‘tkazilayotgan paytda mankunianliklar yarim himoyachisi Pol Pogbaning uyiga o‘g‘rilar tushishgan. Bu haqda futbolchining o‘zi xabar berdi.

«O‘tgan kecha oilam uchun qo‘rqinchli bo‘lgan. Tunda o‘g‘rilar uyimga bostirib kirib, uyni tunab ketishgan. Bu paytda esa farzandlarim o‘z xonalarida bo‘lishgan. O‘g‘rilar uyda 5 daqiqadan kamroq vaqt davomida bo‘lishgan, ammo uyimizdagi eng qimmatbaho narsani olib chiqib ketishgan... Bu hodisa kechagi bahsning so‘nggi daqiqalari o‘tib borayotganida ro‘y bergan. Ular uyda bo‘lmasligimni bilishgan. Biz xotinim bilan uyga shoshib kelayotganimizda farzandlarimiz sog‘-salomatmi yoki ularga biror shikast yetdimi, buni bilmasdik. Ota sifatida o‘z farzandlaringizning yonida bo‘lish, ularni himoya qilish imkoniyatidan mahrum bo‘lishdan yomonroq hissiyot yo‘q dunyoda. Hech kimga buni ravo ko‘rmayman», — deya yozdi Pogba «tvitter» orqali.

Eslatib o‘tamiz, «Manchester Yunayted» javob o‘yinida «Atletiko»ga imkoniyatni boy berib, Chempionlar ligasini tark etdi.