Xabaringiz bor, kecha Chempionlar Ligasi-2021/2022 nimchorak final javob bahslari doirasida eng so‘nggi uchrashuvlar o‘tkazildi.

Nimchorak finaldan keyin o‘z yurishini to‘xtatgan jamoalar bilan tanishing: «Manchester Yunayted», «PSJ», «Yuventus», «Ayaks», «Zalsburg», «Inter», «Lill», «Sporting».

«MYU» va «PSJ» jamoalarini Madrid klublari musobaqadan chiqarib yuborishdi. Yurgen Klopp jamoasi «Inter»ni to‘xtatdi. Ko‘pchilik «Ayaks»ni chorak finalda kutgandi, ammo amsterdamliklar «Benfika» to‘sig‘idan o‘ta olishmadi.

Kutilmaganda «Yuventus» Turinda yirik 0:3 hisobida mag‘lubiyatga uchradi hamda musobaqadan chiqib ketdi. Musobaqaning amaldagi chempionlari joriy mavsum Fransiya sharafini himoya qilayotgan so‘nggi klub - «Lill»ni mag‘lub etgan holda chorak finalga yo‘l oldi.

Endi ertaga, 18 mart kuni Shveysariyaning «Nyon» shahrida chorak final hamda yarim final bosqichi uchun qur’a tashlash marosimi o‘tkaziladi.

Bunga qadar chorak finalga qaysi mamlakat klublari yetib kelganiga to‘xtalib o‘tamiz.

Chorak final ishtirokchilari:

«Atletiko», «Bavariya», «Benfika», «Chelsi», «Liverpul», "Manchester Siti", Real Madrid", «Vilyarreal».

3 ta Angliya, Ispaniya

1 ta Germaniya, Portugaliya.

Mazkur mavsumda Angliya va Ispaniyaning uchtadan klublari yarim final bosqichi uchun kurash olib borishadi. Germaniya va Portugaliya sharafini mos ravishda «Bavariya» va «Benfika» klublari himoya qilishadi.

O‘tgan mavsumga taqqoslaydigan bo‘lsak, Ispaniya klublari ikkitaga ko‘payganini ko‘rish mumkin. Italiya jamoalari qatorasiga ikkinchi mavsum ham chorak finalga chiqa olishmadi. Bu mavsum chorak finalda Fransiya sharafini himoya qiladigan klub qolmadi.

Chorak final ishtirokchilari (2020/2021)

«Borussiya Dortmund», «Bavariya», «Portu», «Chelsi», «Liverpul», «Manchester Siti», «Real Madrid», «PSJ»

3 ta Angliya

2 ta Germaniya

1 ta Fransiya, Ispaniya, Portugaliya

Qatorasiga ikki mavsum Portugaliya klublari chorak finalga chiqishni uddasidan chiqishmoqda.

O‘tgan mavsumga nisbatan solishtirilsa, «Liverpul», "Manchester Siti", «Chelsi», "Real Madrid" va «Bavariya» o‘z o‘rnida. «PSJ» va "Borussiya Dortmund" o‘rnini esa «Atletiko» va «Vilyarreal» klublari egallashgan. Bu safar Portugaliya sharafini «Benfika» himoya qiladigan bo‘ldi.

Joriy mavsum Ispaniya va Angliya klublari Yevropa Chempionlar Ligasida muvaffaqiyatli qatnashishayotganini aytib o‘tish kerak. Yulduzli tarkibga ega parijliklar esa nimchorak finaldayoq musobaqani tark etishga majbur bo‘lishdi.