"Surxon" yarim himoyachisi Zohir Pirimov jamoaga ispaniyalik murabbiy Anxel Lopes tayinlangani haqida fikr bildirdi.

“Yevropacha ish uslubiga ega yangi murabbiyning kelishi klub hayotining barcha jabhalariga ijobiy ta’sir ko‘rsatmoqda. Shaxsan men shunday murabbiydan yangi narsalarni o‘rganishga qiziqaman.

Jamoa har jihatdan professionalroq bo‘lishga harakat qilmoqda, klub yangi homiylar va futbol falsafasi bilan yangi bosqichga chiqmoqchi. O‘ylaymanki, buning natijasida biz yuqoriga ko‘tarilamiz. Ular har jabhada nafaqat biz uchun, balki futbol rivojlanishi uchun ham yaxshi sharoit yaratib berishadi”, - dedi futbolchi.