"Сурхон" ярим ҳимоячиси Зоҳир Пиримов жамоага испаниялик мураббий Анхель Лопес тайинлангани ҳақида фикр билдирди.

“Европача иш услубига эга янги мураббийнинг келиши клуб ҳаётининг барча жабҳаларига ижобий таъсир кўрсатмоқда. Шахсан мен шундай мураббийдан янги нарсаларни ўрганишга қизиқаман.

Жамоа ҳар жиҳатдан профессионалроқ бўлишга ҳаракат қилмоқда, клуб янги ҳомийлар ва футбол фалсафаси билан янги босқичга чиқмоқчи. Ўйлайманки, бунинг натижасида биз юқорига кўтариламиз. Улар ҳар жабҳада нафақат биз учун, балки футбол ривожланиши учун ҳам яхши шароит яратиб беришади”, - деди футболчи.