«Monako» bosh murabbiyi Filippe Kleman Yevropa ligasi 1/8 finali javob o‘yinida «Braga» jamoasiga qarshi o‘yinda qayd etilgan durang (1:1) va turnirni tark etishi haqida fikr bildirdi.
- Motivasiya bor edi, lekin birinchi bo‘limda "Braga" oldinga chiqib olganidan so‘ng umid biroz yo‘qoldi. Bizda aniq yaxshiroq natijaga erishish uchun imkoniyatlar bor edi. Ikkita golga javob qaytarish uchun birinchi daqiqalardanoq gol urish kerak edi. Birinchi bo‘limda buni uddalay olmadik va ularning golidan keyin o‘yin sur’ati biroz pasaydi.
Tanaffusdan keyin bir qancha xavfli vaziyatlar yaratdik, ammo raqib yaxshi himoyalandi. Akselning golidan so‘ng jamoada qo‘shimcha paydo bo‘ldi, ammo bu vaqtda kech bo‘lgandi. Ushbu uchrashuvni tahlil qilishimiz kerak. O‘ta himoyaviy o‘yin ko‘rsatgan va birinchi o‘yindan so‘ng ikki to‘p farqi bilan oldinda turgan jamoaga qarshi o‘ynash oson bo‘lmadi. O‘z so‘zini aytadigan bitta statistika bor: Gilermo Maripan himoyachi bo‘lishiga qaramay, to‘pni raqib jarima maydonchasiga eng ko‘p yo‘lladi.
«Braga» futbolchilari himoya markazida juda ixcham o‘ynashdi, ular uchun qanotlardan o‘ynash orqali ham qarshilik ko‘rsatish qiyin edi, - dedi "Monako" ustozi klub rasmiy saytiga.
