«Barselona» himoyachisi Samuel Umtitini sotmoqchi.
Kataloniya klubi futbolchining yozda ketishiga ishonmoqda, biroq murabbiylar shtabi transferni tashkil etish qiyin bo‘ladi, deb hisoblamoqda. Chunki, Umtitida jismoniy tarafdan muammolar bor.
Eslatib o‘tamiz, yanvar oyida fransiyalik futbolchi maoshi qisqartirilgan holda «Barselona» bilan shartnomasini 2026 yilgacha uzaytirgandi. Bu "ko‘k-anorrangli"larga Ferran Torresni ro‘yxatdan o‘tkazish imkonini bergandi.
Joriy mavsumda 28 yoshli himoyachi «Barselona» tarkibida 1 ta o‘yinda maydonga tushdi. 8 yanvardan beri u jamoa qaydnomasidan joy olmayapti.
