"Yuventus" Chempionlar ligasidan chiqib ketgandan keyin murabbiylar shtabining bir qismini o‘zgartirishi mumkin.
Klub rahbariyati mavsum yakunida Massimiliano Allegri murabbiylar shtabining ayrim a’zolarini almashtirishi mumkin, deb xabar beradi Football Italia.
Shu bilan birga, bosh murabbiyning kelajagi xavf ostida emas – “byankonerilar” Allegrini istefoga chiqarishni rejalashtirmayapti.
Avvalroq, “Yuventus” 1/8 final bosqichida “Vilyarreal”ga mag‘lub bo‘lib, turnir bilan xayrlashgan edi.