Italiya milliy jamoasi murabbiylar shtabi mart oyida bo‘lib o‘tadigan JCH-2022 saralash pley-off bosqichidan o‘rin olgan bahslar uchun kengaytirilgan tarkibini e’lon qildi.

"Skuadro adzurra" 24 mart kuni Shimoliy Makedoniya bilan to‘qnash keladi. Jamoa ushbu o‘yinda g‘alaba qozonsa, oradan 5 kun Portugaliya-Turkiya juftligi g‘olibi bilan Mundial yo‘llanmasi uchun kurash olib boradi.

Roberto Manchini yig‘inga 33 futbolchini jalb qildi. Mario Balotelli esa qaydnomadan o‘rin olmadi.

Darvozabonlar: Alessio Kranyo («Kalyari»), Janluidji Donnarumma (PSJ), Pyerluidji Gollini («Tottenxem»), Salvatore Sirigu («Jenoa»);

Himoyachilar: Franchesko Acherbi («Lasio»), Alessandro Bastoni («Inter»), Kristiano Biragi («Fiorentina»), Leonardo Bonuchchi («Yuventus»), Jorjo Kyellini («Yuventus»), Djovanni Di Lorenso («Napoli»), Emerson Palmeri («Lion»), Alessandro Florensi («Milan»), Luis Felipe («Lasio»), Janluka Manchini («Roma»);

Yarim himoyachilar: Nikolo Barella («Inter»), Brian Kristante («Roma»), Jorjinyo («Chelsi»), Manuel Lokatelli («Yuventus»), Lorenso Pellegrini («Roma»), Matteo Pessina («Atalanta»), Stefano Sensi («Sampdoriya»), Sandro Tonali («Milan»), Marko Verratti (PSJ);

Hujumchilar: Andrea Belotti («Torino»), Domeniko Berardi («Sassuolo»), Chiro Immobile («Lasio»), Lorenso Insinye («Neapol»), Joao Pedro («Kalyari»), Matteo Politano («Neapol»), Jakomo Raspadori («Sassuolo»), Janluka Skamakka («Sassuolo»). Mattia Dzakkani («Lasio»), Nikolo Dzanyolo («Roma»).