Turinning «Yuventus» klubi bosh direktori Maurisio Arrivabene Dushan Vlaxovichning sotib olinishini tushuntirdi.

“Biz Vlaxovich va Zakariyani ushbu mavsum va keyingi mavsum haqida o‘ylab oldik. Dushanning atrofida boshqa klublar aylanib yurgan edi va biz yozgacha kutsak, Angliya va Ispaniya jamoalariga qaraganda transfer imkoniyatimiz kamroq bo‘ladi deb o‘ylagandik.

Biz uni darhol sotib olish mumkinligiga ishonch hosil qildik, o‘yinchilarni potensial sotish orqali xarajatlarni qanday qoplashni aniqladik. Biz «Fiorentina»ga taklif bilan chiqdik, shundan so‘ng klub ham, futbolchining agentlari ham biz bilan muzokaraga kirishishdi.

O‘sha vaqtga qadar futbolchi bilan kelishib olganimiz haqidagi ma’lumotlar haqiqatga to‘g‘ri kelmaydi. Bu yolg‘on. «Fiorentina» ruxsatini olgandan keyingina muzokaralarni boshladik. Shuningdek, Vlaxovich faqat «Yuventus»ga o‘tishni xohlardi», - dedi Arrivabene Corriere dello Sport bilan suhbatda.