Туриннинг «Ювентус» клуби бош директори Маурицио Арривабене Душан Влаховичнинг сотиб олинишини тушунтирди.
“Биз Влахович ва Закарияни ушбу мавсум ва кейинги мавсум ҳақида ўйлаб олдик. Душаннинг атрофида бошқа клублар айланиб юрган эди ва биз ёзгача кутсак, Англия ва Испания жамоаларига қараганда трансфер имкониятимиз камроқ бўлади деб ўйлагандик.
Биз уни дарҳол сотиб олиш мумкинлигига ишонч ҳосил қилдик, ўйинчиларни потенциал сотиш орқали харажатларни қандай қоплашни аниқладик. Биз «Фиорентина»га таклиф билан чиқдик, шундан сўнг клуб ҳам, футболчининг агентлари ҳам биз билан музокарага киришишди.
Ўша вақтга қадар футболчи билан келишиб олганимиз ҳақидаги маълумотлар ҳақиқатга тўғри келмайди. Бу ёлғон. «Фиорентина» рухсатини олгандан кейингина музокараларни бошладик. Шунингдек, Влахович фақат «Ювентус»га ўтишни хоҳларди», - деди Арривабене Corriere dello Sport билан суҳбатда.
