«Barselona» klasikodagi g‘alabani juda emosional nishonladi. Bu hatto «Real» bilan o‘zaro raqobat yoki alamzadalik oqibati emas. Ushbu g‘alaba «Barsa» uchun chuqur inqirozdan chiqish ramziga aylandi. Bundan avvalgi 4 ta golli g‘alabalar bir tomon, chinakam xavfli opponent ustidan dominant g‘alaba umuman boshqacha ta’sir qildi. Pike bekorga yozmadi, «Barselona» qaytdi, shu kuni endi aniq qaytdi.

«Madrid» katta ehtimol o‘z titulini oladi, bu uchrashuv esa jamoa hamon o‘zgarishlarga muhtoj ekanini ochib berdi. Modrich doim torta olmaydi, Benzema ham odam va jarohat olishi mumkin. Tarkib ekstremal vaziyatlarga to‘liq tayyor emas, transferlar zarur, faqat Mbappe-Xolandlarmas, pozisiyalar bo‘yicha o‘rinbosarlar. 1-2 gol Peresga ta’sir qilmasdi va jadvalni ko‘rsatib qo‘yaverardi. 4 tadan keyin muxlislar talab qilishga haqli.

Kuchli «Barselona»ga qarshi kuchli «Real Madrid» kerak va aksi, toki millionlarning futbolga qizishiga sabab bo‘ladigan raqobatli «klasiko»lar qaytsin.

Davron Fayziyev.