«Барселона» класикодаги ғалабани жуда эмоционал нишонлади. Бу ҳатто «Реал» билан ўзаро рақобат ёки аламзадалик оқибати эмас. Ушбу ғалаба «Барса» учун чуқур инқироздан чиқиш рамзига айланди. Бундан аввалги 4 та голли ғалабалар бир томон, чинакам хавфли оппонент устидан доминант ғалаба умуман бошқача таъсир қилди. Пике бекорга ёзмади, «Барселона» қайтди, шу куни энди аниқ қайтди.

«Мадрид» катта эҳтимол ўз титулини олади, бу учрашув эса жамоа ҳамон ўзгаришларга муҳтож эканини очиб берди. Модрич доим торта олмайди, Бензема ҳам одам ва жароҳат олиши мумкин. Таркиб экстремал вазиятларга тўлиқ тайёр эмас, трансферлар зарур, фақат Мбаппе-Холандлармас, позициялар бўйича ўринбосарлар. 1-2 гол Пересга таъсир қилмасди ва жадвални кўрсатиб қўяверарди. 4 тадан кейин мухлислар талаб қилишга ҳақли.

Кучли «Барселона»га қарши кучли «Реал Мадрид» керак ва акси, токи миллионларнинг футболга қизишига сабаб бўладиган рақобатли «класико»лар қайтсин.

Даврон Файзиев.