Myunxenning "Bavariya" klubi "Ayaks" yarim himoyachisi Rayan Gravenberx uchun 25 million yevro taklif qildi, deb yozadi jurnalist Fabrisio Romano.

Manbaning xabariga ko‘ra, Myunxen klubi vakillari futbolchining agenti Mino Rayola bilan shaxsiy shartnomasi shartlarini muhokama qilgandan so‘ng o‘z takliflarini yuborishgan.

Qayd etilishicha, bu taklif futbolchini qimmatroq sotishni kutayotgan "Ayaks" rahbarlariga yoqmagan. Klublar o‘rtasidagi muzokaralar davom etadi.

Transfermarkt Gravenberxni 35 million yevroga baholagan. 2021/22 yilgi mavsumda 19 yoshli yarim himoyachi “Ayaks” safida barcha musobaqalarda 37 ta o‘yinda maydonga tushdi. Ikkita gol urdi va oltita golli uzatmani amalga oshirdi.