Мюнхеннинг "Бавария" клуби "Аякс" ярим ҳимоячиси Раян Гравенберх учун 25 миллион евро таклиф қилди, деб ёзади журналист Фабрицио Романо.

Манбанинг хабарига кўра, Мюнхен клуби вакиллари футболчининг агенти Мино Райола билан шахсий шартномаси шартларини муҳокама қилгандан сўнг ўз таклифларини юборишган.

Қайд этилишича, бу таклиф футболчини қимматроқ сотишни кутаётган "Аякс" раҳбарларига ёқмаган. Клублар ўртасидаги музокаралар давом этади.

Трансфермаркт Гравенберхни 35 миллион еврога баҳолаган. 2021/22 йилги мавсумда 19 ёшли ярим ҳимоячи “Аякс” сафида барча мусобақаларда 37 та ўйинда майдонга тушди. Иккита гол урди ва олтита голли узатмани амалга оширди.