«Tottenxem» klubi bosh murabbiyi Antonio Konte APLda kuchli to‘rtlik uchun kurash haqida gapirdi. «Shporlar» o‘zlarining asosiy raqibi - «Arsenal»dan o‘tishga harakat qiladi.
"Biz "Arsenal"ga bosim o‘tkazishimiz kerak. Buning uchun biz har bir uchrashuvda g‘alaba qozonishimiz kerak. Oldinda bizni to‘qqizta finalga teng o‘yinlar kutib turibdi.
Hozircha ustunlik "Arsenal"da. Ular uzoq vaqtdan beri bitta murabbiy bilan birga ishlab, bir nechta transferni amalga oshirishga muvaffaq bo‘lishdi. Ammo so‘nggi bir necha oy ichida biz yaxshi ishladik. "Tottenxem" Angliyaning eng yaxshi jamoalari bilan oradagi farqni qisqartirdi.
APLda raqobat juda kuchli. Hozir Chempionlar Ligasiga yo‘llanma beradigan o‘rinlar uchun kurashayotgan to‘rtta jamoa bor, ammo kimdir muammoga duch kelsa, biz vaziyatdan albatta foydalanishimiz kerak", - dedi Antonio Konte.
