«Тоттенхэм» клуби бош мураббийи Антонио Конте АПЛда кучли тўртлик учун кураш ҳақида гапирди. «Шпорлар» ўзларининг асосий рақиби - «Арсенал»дан ўтишга ҳаракат қилади.
"Биз "Арсенал"га босим ўтказишимиз керак. Бунинг учун биз ҳар бир учрашувда ғалаба қозонишимиз керак. Олдинда бизни тўққизта финалга тенг ўйинлар кутиб турибди.
Ҳозирча устунлик "Арсенал"да. Улар узоқ вақтдан бери битта мураббий билан бирга ишлаб, бир нечта трансферни амалга оширишга муваффақ бўлишди. Аммо сўнгги бир неча ой ичида биз яхши ишладик. "Тоттенхем" Англиянинг энг яхши жамоалари билан орадаги фарқни қисқартирди.
АПЛда рақобат жуда кучли. Ҳозир Чемпионлар Лигасига йўлланма берадиган ўринлар учун курашаётган тўртта жамоа бор, аммо кимдир муаммога дуч келса, биз вазиятдан албатта фойдаланишимиз керак", - деди Антонио Конте.
