"Roma" vingeri Nikolo Dzanyolo hujumchi Paulo Dibalaga o‘rinbosar qidirayotgan "Yuventus" uchun ustuvor variant hisoblanadi. Bu haqda Tuttomercatoweb xabar bermoqda.

Manba bergan xabarga ko‘ra, Turin klubi 22 yoshli italiyalik futbolchi uchun yozda taklif bilan chiqishga tayyor.

Eslatib o‘tamiz, avvalroq Dibala mavsum yakunida “Yuventus”ni erkin agent sifatida tark etishi ma’lum bo‘lgan edi, chunki u shartnomasini uzaytirish borasida jamoa bilan kelisha olmadi.

Ma’lumot o‘rnida, Dibala 2015 yildan buyon "Yuventus"da o‘ynab kelmoqda.

Dzanyolo joriy mavsumda 33 ta o‘yinda 4 ta gol va 8 ta golli uzatmaga mualliflik qilgan. Yarim himoyachining “Roma” bilan amaldagi shartnomasi 2024 yilning yozida yakuniga etadi.