"Nyukasl" "Manchester Yunayted" darvozaboni Din Xendersonga qiziqish bildirishda davom etmoqda.

Jurnalist Fabrisio Romanoning so‘zlariga ko‘ra, "hakkalar" yozda ingliz futbolchisining transferini amalga oshirishga harakat qiladi.

25 yoshli Xendersonning o‘zi "Manchester Yunayted"ni tark etishga tayyor. U barqaror o‘yin amaliyotiga ega bo‘ladigan jamoaga o‘tmoqchi.

Joriy mavsumda Din barcha turnirlarda jami 5 ta o‘yin o‘tkazib, o‘z darvozasidan 7 ta gol o‘tkazib yuborgan.

Uning "Yunayted" bilan shartnomasi 2025 yilning yoziga qadar mo‘ljallangan. Transfermarkt portali futbolchining narxini 18 million yevroga baholamoqda.