Shotlandiyaning «Dandi Yunayted» darvozaboni Benjamin Zigristga «Manchester Yunayted» klubi qiziqish bildirmoqda. Bu haqda The Sun xabar tarqatmoqda.

Shveysariyalik darvozabonning amaldagi shartnomasi shu yilning yozida tugaydi va "qizil iblislar" uni mavsum oralig‘ida klubni tark etishi mumkin bo‘lgan Din Xendersonning o‘rniga o‘rinbosar sifatida ko‘rmoqda.

Zigrist joriy mavsumda Shotlandiya chempionatida 27 ta o‘yinda maydonga tushib, 31 ta gol o‘tkazib yuborgan.

Shuningdek, «Manchester Yunayted» Chempionship klubi «Vest Bromvich» darvozaboni Sem Jonstonga ham qiziqish bildirmoqda, uning ham shartnomasi shu yozda tugaydi. Angliya terma jamoasi bosh murabbiyi Garet Sautgeyt yaqinda Jonstonni bo‘lajak o‘rtoqlik o‘yinlari uchun futbolchilar ro‘yxatiga kiritdi.