Шотландиянинг «Данди Юнайтед» дарвозабони Бенжамин Зигристга «Манчестер Юнайтед» клуби қизиқиш билдирмоқда. Бу ҳақда The Sun хабар тарқатмоқда.

Швейцариялик дарвозабоннинг амалдаги шартномаси шу йилнинг ёзида тугайди ва "қизил иблислар" уни мавсум оралиғида клубни тарк этиши мумкин бўлган Дин Хендерсоннинг ўрнига ўринбосар сифатида кўрмоқда.

Зигрист жорий мавсумда Шотландия чемпионатида 27 та ўйинда майдонга тушиб, 31 та гол ўтказиб юборган.

Шунингдек, «Манчестер Юнайтед» Чемпионшип клуби «Вест Бромвич» дарвозабони Сэм Жонстонга ҳам қизиқиш билдирмоқда, унинг ҳам шартномаси шу ёзда тугайди. Англия терма жамоаси бош мураббийи Гарет Саутгейт яқинда Жонстонни бўлажак ўртоқлик ўйинлари учун футболчилар рўйхатига киритди.