"Nyukasl" "Chelsi" darvozaboni Kepa Arrisalabagani sotib olmoqchi. Bu haqda Daily Mail xabar bermoqda.
Manbaga ko‘ra, "hakkalar" rahbariyati ispaniyalikning joriy mavsumdagi o‘yinidan hayratda qolgan. Katta ehtimol bilan, Buyuk Britaniya hukumati londonliklar rahbariyatiga futbolchilarni sotish bo‘yicha muzokaralar olib borish uchun tegishli lisenziyani berishi bilanoq tomonlar o‘zaro muzokaralarni boshlashlari mumkin.
Ma’lumot o‘rnida, Kepa joriy mavsumda barcha musobaqalarda 13 ta o‘yinda 8 ta gol o‘tkazib yubordi va 7 marta o‘z darvozasi daxlsizligini saqlab qoldi.
