"Ньюкасл" "Челси" дарвозабони Кепа Аррисалабагани сотиб олмоқчи. Бу ҳақда Daily Mail хабар бермоқда.
Манбага кўра, "ҳаккалар" раҳбарияти испанияликнинг жорий мавсумдаги ўйинидан ҳайратда қолган. Катта эҳтимол билан, Буюк Британия ҳукумати лондонликлар раҳбариятига футболчиларни сотиш бўйича музокаралар олиб бориш учун тегишли лицензияни бериши биланоқ томонлар ўзаро музокараларни бошлашлари мумкин.
Маълумот ўрнида, Кепа жорий мавсумда барча мусобақаларда 13 та ўйинда 8 та гол ўтказиб юборди ва 7 марта ўз дарвозаси дахлсизлигини сақлаб қолди.
