«Barselona» prezidenti maslahatchisi Enrik Masip "Real" ustidan qozonilgan g‘alaba (4:0) taassurotlari bilan o‘rtoqlashdi.

«Biz klub boshqaruviga kelganimizdan buyon bu eng ajoyib kunlardan biri bo‘ldi. Birinchi navbatda, raqib so‘nggi o‘yinlarda bizni mag‘lub etib kelayotgani uchun bu g‘alaba muhim ahamiyatga ega bo‘ldi.

«Real» ustidan qozonilgan g‘alaba – ulkan xursandchilik, ammo «Galatasaroy» to‘sig‘idan o‘tish muhimroq edi. Xavi jamoani shakllantira oldi. Bu yaqqol sezilib turibdi. Masalan, «Real»ga qarshi o‘yinda maydonda yulduzlar yo‘q edi, ammo jamoa bor edi. «Bernabeu»da g‘alaba qozonish — qiyin vazifa.

Raqibni hurmat qilish kerak. Ular «PSJ» to‘sig‘idan o‘tishganini unutmaslik kerak. Biz qaytayotganimiz haqida gap-so‘zlar paydo bo‘la boshladi, ammo biz hali hech narsaga erishmadik. Bu havolanib ketishimiz uchun sabab emas, shunchaki muhim g‘alabalardan biri bo‘ldi», – dedi Enrik Masip.