Angliya kubogi musobaqasining yarim final bosqichida o‘zaro to‘qnash keladigan «Liverpul» va «Manchester Siti» klublari uchrashuvni "Uembli"dan boshqa stadionga ko‘chirishni so‘rashdi.

Gap shundaki, Liverpul va Manchester shaharlaridan Londonga eltuvchi temiryo‘lda ta’mirlash ishlari olib borilmoqda. Bu esa muxlislarga qiyinchilikni yuzaga keltiradi. Ta’mirlash ishlari 18 aprelga qadar davom etirishi rejalashtirilgan, yarim final o‘yinlari esa 16 va 17 aprel kunlarigi belgilangan.

Angliya futbol assosiasiyasi hozirda ushbu masala ustida ishlayapti va optimal yechim qidirmoqda.

Eslatib o‘tamiz, ikkinchi yarim finalda "Chelsi" va "Kristal Pelas" jamoalari to‘qnash kelishadi. Bu klublarda stadion borasida muammo yuzaga kelmaydi.