"Everton" hujumchisi Andros Taunsend tizzasidan olgan jarohati sabab mavsumning qolgan qismida maydonga tusha olmaydi.
30 yoshli angliyalik futbolchi Angliya kubogi chorak finalida "Kristal Pelas"ga qarshi o‘yinda (0:4) chap tizzasidan jarohat oldi va 17-daqiqada almashtirildi.
Xabarlarga ko‘ra, Taunsend keyingi hafta jarohatlangan tizzasini operasiya qildiradi, shundan so‘ng u tiklanish jarayonini boshlaydi.
2021/22 yilgi mavsumda futbolchi "Everton" tarkibida 27 o‘yinda 7 ta gol urdi va 4 ta golga assistentlik qildi.
