"Эвертон" ҳужумчиси Андрос Таунсенд тиззасидан олган жароҳати сабаб мавсумнинг қолган қисмида майдонга туша олмайди.
30 ёшли англиялик футболчи Англия кубоги чорак финалида "Кристал Пэлас"га қарши ўйинда (0:4) чап тиззасидан жароҳат олди ва 17-дақиқада алмаштирилди.
Хабарларга кўра, Таунсенд кейинги ҳафта жароҳатланган тиззасини операция қилдиради, шундан сўнг у тикланиш жараёнини бошлайди.
2021/22 йилги мавсумда футболчи "Эвертон" таркибида 27 ўйинда 7 та гол урди ва 4 та голга ассистентлик қилди.
