Qatar poytaxtida 3x3 basketbol bo‘yicha Jahon kubogi yo‘llanmasi uchun Osiyo mintaqasi saralash bosqichi o‘tkazilmoqda. Unda ishtirok etayotgan ayollar jamoamiz bugun jahon kubogi yo‘llanmasini qo‘lga kiritishi mumkin.
Qizlarimiz guruh bosqichida dastlab Qozog‘iston jamoasini 14:13, Shri-Lankani 16:9 hisobida mag‘lub etishdi. Endi yarim finalda Eron jamoasi raqib bo‘ladi. Reglamentga ko‘ra, faqat g‘olib jamoagina joriy yil Belgiyada o‘tadigan final bosqichiga yo‘l oladi.
Yarim final juftliklari:
19:10 – Yangi Zelandiya – Qozog‘iston
19:45 – O‘zbekiston – Eron
Yarim final g‘oliblari Toshkent vaqti bilan 21:30 da boshlanadigan hal qiluvchi bellashuvda maydonga chiqishadi. O‘yinlar Toshkent vaqti bilan ko‘rsatilgan.
Jamoamiz tarkibi: Aliya Samatova, Yelena Husnitdinova, Kristina Avdeeva, Natalya Koneva.
