«Inter» agar klub Ivan Perishich bilan shartnomani uzaytirmasa, «Anderlext» yarim himoyachisi Serxio Gomes sotib oladi.

Gazzetta dello Sport xabariga ko‘ra, «Inter» xorvatiyalik futbolchiga mavsum uchun 5 million yevro maosh taklif qilmoqda, biroq tomonlar haligacha bir qarorga kelishmagan.

Xabarda aytilishicha, agar yangi shartnoma imzolanmasa, «Inter» hozirda «Anderlext»da to‘p surayotgan ispaniyalik yarim himoyachi Serxio Gomesga e’tibor qaratadi.

Joriy mavsumda Gomes Belgiya chempionatida 32 ta o‘yinda maydonga tushib, 5 ta gol va 10 ta golli uzatmani amalga oshirdi.