«Интер» агар клуб Иван Перишич билан шартномани узайтирмаса, «Андерлехт» ярим ҳимоячиси Серхио Гомес сотиб олади.

Gazzetta dello Sport хабарига кўра, «Интер» хорватиялик футболчига мавсум учун 5 миллион евро маош таклиф қилмоқда, бироқ томонлар ҳалигача бир қарорга келишмаган.

Хабарда айтилишича, агар янги шартнома имзоланмаса, «Интер» ҳозирда «Андерлехт»да тўп сураётган испаниялик ярим ҳимоячи Серхио Гомесга эътибор қаратади.

Жорий мавсумда Гомес Бельгия чемпионатида 32 та ўйинда майдонга тушиб, 5 та гол ва 10 та голли узатмани амалга оширди.