Myunxenning «Bavariya» klubi bir vaqtning o‘zida uch nafar niderlandiyalik futbolchi uchun kurashmoqda. Gap «Inter» himoyachisi Denzil Dyumfris, «PSJ» yarim himoyachisi Jorjinyo Veynaldum va «Ayaks» yarim himoyachisi Rayan Gravenberg haqida ketmoqda.
Gravenberg kelasi yozda Myunxenga ko‘chib o‘tish uchun eng katta imkoniyatga ega. Uning transferi uchun «Bavariya» taxminan 25 million yevro to‘lashga tayyor.
Dyumfrisga kelsak, «Inter» u bilan xayrlashishni istamayapti, ammo munosib taklif «neradzurrilar»ning fikrini o‘zgartirishi mumkin. Veynaldu esa o‘zini Parijda noqulay sezmoqda va hozir turli variantlarni ko‘rib chiqmoqda.
