Madridning «Atletiko» klubi yozgi transfer oynasida markaziy hujum pozisiyasini mustahkamlashni rejalashtirmoqda.

La Gazzetta dello Sport xabariga ko‘ra, «matraschilar» kelasi mavsumda hujumda Joau Feliks va «Inter» hujumchisi Lautaro Martines juftligini ko‘rishni istashmoqda.

Manbaga ko‘ra, Lautaroning o‘zi «Inter»da baxtli, ammo «Atletiko» bosh murabbiyi Diyego Simeone uni «Atletiko»ga o‘tishga ko‘ndira oladi.

Lautaro joriy mavsum A seriyada 27 ta o‘yinda maydonga tushib, 14 ta gol va 2 ta golga assistentlik qildi.