Xabaringiz bor, ayni kunlarda O‘zbekiston futzal milliy terma jamoasi Osiyo kubogi saralash bosqichi oldidan Toshkentda yig‘in o‘tkazmoqda.
Bahodir Ahmedov shogirdlari yig‘in doirasida Qirg‘iz Respublikasi bilan 29 va 30 mart kunlari nazorat uchrashuvida ishtirok etadi. Bahslar “Yunusobod” sport majmuasida soat 13:00 da boshlanadi.
Shuningdek, vakillarimiz ushbu majmuada ertaga, 28 mart kuni soat 10:30 da o‘yin oldi rasmiy mashg‘ulot o‘tkazadilar.
Ma’lumot uchun, Osiyo kubogining saralash uchrashuvlari 10-12 aprel kunlari Qirg‘iz Respublikasining Bishkek shahrida bo‘lib o‘tadi.
Vakillarimiz ushbu bosqichdagi ishtirokini 10 aprel kuni Nepal terma jamoasiga qarshi o‘yin bilan boshlaydi.
