Daniya terma jamoasi yarim himoyachisi Kristian Eriksen Niderlandiya darvozasiga urilgan gol haqida fikr bildirdi. Bu gol - Eriksen uchun bir yarim yillik tanaffusdan keyin birinchi gol bo‘ldi.
“Ushbu bahsda o‘zimni juda yaxshi his qildim. Oldin Niderlandiyada ko‘p yillar o‘ynaganman, shuning uchun albatta muxlislar meni bilishadi va bu juda iliq kutib olindi.
To‘p menga kelib tushgan va hujumni gol bilan yakunlashga muvaffaq bo‘lganim ajoyib bo‘ldi. Xalqaro futbolga qaytishni shu tarzda boshlash - ideal holatdir. Qatardagi Jahon chempionatida o‘ynashni intiqlik bilan kutyapman, ammo oldinda hali ko‘p o‘yinlar bor va bor e’tiborimni ularga qaratganman”, - dedi Eriksen.
