Дания терма жамоаси ярим ҳимоячиси Кристиан Эриксен Нидерландия дарвозасига урилган гол ҳақида фикр билдирди. Бу гол - Эриксен учун бир ярим йиллик танаффусдан кейин биринчи гол бўлди.

“Ушбу баҳсда ўзимни жуда яхши ҳис қилдим. Олдин Нидерландияда кўп йиллар ўйнаганман, шунинг учун албатта мухлислар мени билишади ва бу жуда илиқ кутиб олинди.

Тўп менга келиб тушган ва ҳужумни гол билан якунлашга муваффақ бўлганим ажойиб бўлди. Халқаро футболга қайтишни шу тарзда бошлаш - идеал ҳолатдир. Қатардаги Жаҳон чемпионатида ўйнашни интиқлик билан кутяпман, аммо олдинда ҳали кўп ўйинлар бор ва бор эътиборимни уларга қаратганман”, - деди Эриксен.