"Aston Villa"da ijara asosida harakat qilayotgan "Barselona" yarim himoyachisi Filippe Koutinyo Angliya jamoasida qolishni rejalashtirmoqda va buning uchun maoshini sezilarli darajada kamaytirishga tayyor. Bu haqda Mundo Deportivo xabar bermoqda.

Birmingem klubi 29 yoshli braziliyalik futbolchini qishki transfer oynasida shu mavsum oxirigacha sotib olish sharti bilan ijaraga olgandi. Bu 40 million yevro ekani xabar qilingan.

Ma’lumot uchun, Koutinyo “Aston Villa” safida 10 ta o‘yinda maydonga tushib, 4 ta gol urdi va 3 ta golli uzatmani amalga oshirdi. Ingliz klubida braziliyalik futbolchi "Liverpul" tarkibida birga o‘ynagan Stiven Jerrard qo‘l ostida harakat qiladi.