"Астон Вилла"да ижара асосида ҳаракат қилаётган "Барселона" ярим ҳимоячиси Филиппе Коутиньо Англия жамоасида қолишни режалаштирмоқда ва бунинг учун маошини сезиларли даражада камайтиришга тайёр. Бу ҳақда Mundo Deportivo хабар бермоқда.
Бирмингем клуби 29 ёшли бразилиялик футболчини қишки трансфер ойнасида шу мавсум охиригача сотиб олиш шарти билан ижарага олганди. Бу 40 миллион евро экани хабар қилинган.
Маълумот учун, Коутиньо “Астон Вилла” сафида 10 та ўйинда майдонга тушиб, 4 та гол урди ва 3 та голли узатмани амалга оширди. Инглиз жамоасида бразилиялик футболчи "Ливерпуль" таркибида бирга ўйнаган Стивен Жеррард қўл остида ҳаракат қилади.
