"Arsenal" futbolchisi Kiran Tirni Polsha terma jamoasiga qarshi urgan goli haqida fikr bildirdi. U o‘yindan keyin shunday deydi:
"Men o‘yinda VAR borligini esimdan ham chiqarib qo‘ygan edim. Gol bo‘lgach esa bir lahza offsaydda emasligimga shubha qilib qoldim. Nima bo‘lganda ham, menga Jon Makgin tomonidan oshirilgan to‘p juda ham qulay edi. Men terma jamoada birinchi golimni urganimdan xursandman. Endi menda bu borada bitta gol hamda bitta avtogol mavjud".
Tirni "Arsenal" safida 87 ta o‘yinda maydonga tushgan hamda 16 ta golda bevosita ishtirok etgan.
